Akami- uapishk^u eukuan tshiashtamakat eshpishat nitassinan, Innu utassi, kie eukuan eshpitenitakuak ka ut shitshitik nete ka ishinniut shashish,kaitapashtashut kie nete kanimetat Innuat. Tshiash- Innu - Aimun ka ishinikatet akami-uapishk^u issishuemikan kauapati utshua nete e akeneshaushtakanit. Eku ne assi eshi-takuak ka ishinniut innu anumat mishau ne assi ashukamepanu e anishkush-takepaniti nete ka ishpitinanuti ka natshi-shkutumakaniti nete ka ishinniuit , assit ka takuak tshekuan e nitautshimakak kie ka ishpitenitakuak ka ishi-tapuetatishut Innu, nete uikanishimauat ka uitshi pimutenmaht atikua, e uitshikut tshe tshi eshk anutshish kanuenitakau tshekuanu assit ka utinak tshe tshi pakassiuatsheht eshi tutakau utassiuau etatu-tshishemitatunnu pipuna. Eukuan akami-uapishk^u ka ut mishta ishpitenitakuak nete nitassinan, assi ka anishkuapikatet nimetuan e uitakanit, atanukuna kie ka ishi-tapuetatishut Innu, essishuemikanit, mishta minunakun Akami-uapishk^u nete ka ishi-tapuetatishunanut nutshimit. Kie tshiashinnit, Eukute nete ka inniuimakanit Innu Ka ishinniut.

Innu nation Utshimauat Ka Patshitinahk Aimunu

Ninan ka utshimakatakuiat nete Innu Nation, ni minuenitenan tshetshi atamishkutshiht anitshenat Innu Nation kie kanata kanakatuapatak assinu ukaitusseshimuau ka nishu- uitshi-atussemituht ka tshishtakanit ka tapuetatun-anuht tshishe utshimau umashinaikan tshe tshi- nashatakanit e uauitakanit tshe ishi-pimipanit- akanit atushkan nete assi kanakatuapatakanit akami- uapishk^u.

Tshishe utshimau umashinaikan etutakaniti nashatamuna, eukuan Innu Nation nikan atushkatamupan kie uitshi-atussemepan tshishe utshimaua kanakatuapataminiti assinu. Minu tshitapatakanipan ne mashinaikan nashatamuna kie ekute anite mashten tshe tshi ueuetashtakaniti ka aieshkushtakanit tshipa ishinakutakanu ne nashatamuna mashinaikan ka tutamuakanit ne kanakatua-patak assinu tshitshe utshimau kie eukuannu tshe minu-uauitamakut ne kanakatuenitak assinu Innu kie tshe tshi uitakaniti Innu utapitenitamuna, kie ne ka uitshi-atusse- mituiat nete Nitassinan. Mishta tatu-tshishemitatunnuepipun takun ka tapuenanut nenu Innu kataht nete assit, shash nakatuapatakanu ne assi nete tshishe utshimat. Shutshenitakun ne assi kanakatuapatakanit Innu tshe tshi ishpiteni-tak kie kanakatuenitakau nenu assia. Nete aianishkat miam tshiashinnuat ka ishi tutakau.

Tshi nashkumitinan

Shimun Pukue

Chris Rich

Ka Tshiminakaniht ka nakatuapuatakau e-utshi-atussenmitunanunit patshitinamuht aimunu.

Shash tshe tshissenimauatshenat, Innu Nation - kanata tshishe utshimau kanakatua-patak assinu kanakatuapatak e-utshi- atussemitunanunit ka tutakanit kie tshishtakanu Innu Nation assinu kanakatuapatak tshe ishi-kaniupanit kie tshe ishi-matenitakunit tapuetatun, eukuannat ka tutakau nenu tapuetatun mashinaikanu, Innu Nation kie kanata tshishe utshimau kanakatuapatak assinu. Anite ka tutakanit mashinaikan (5.2) nashata-muna Innu Nation kie kanata kanakatuapatak assinu mamu tutamupanit, e ishpitenimat nenu ka aieshkushtaniti tshe ishi-pimutakanit aimun e uitshi- atussemitunanut ka tutamuakaniht tshishe utshimau kanakatuapatak assinu.

Anitshenat ka tshiminakaniht tshe tshi nakatuap-atahk atusseunu tutak utatushkanuau kie tshe tshi nashatakau eshinakunit tshekuanu ua tutakau, shash minuat tshi minu-tshi-tapatamuht mashten e uauitakanit tshishe utshimau mashinaikan mashatamuna.

Kie uauitakanipan ne mashinaikan anite natshishkatunanuipan epishiminishkueu 7, 2023 Kie ushka-pishumu 14,2023 pipun. Anitshenat ka tshiminakaniht tshe tshi nakat uapatahk atusseunu atamishkueuat kie nukunu ka ishpish kaniupanit eshi-tutakanit atushkanu nete assinu kanakatuapatakanit. Tshishe utshimau umashinaikan nashatamuna katutakanit kassinu etashtakanit tshe tshi minu tshitapatakanit ushkat-tshekuan ka ishpitenitakuak kie tan tshe ishi-tutakanit tshe tshi uitshiuet atussemitun ka aishekush-takanit tshe ishi-pimipanitakanit atusseun.

Anitshenat ka tshiminakaniht tshe tshi nakatuapa-takau atusseunu tapuetamupaniht nenu mashinaikanu nashatamuna ka tutaminiti tshishe utshimaua kie ushkuishtuepanit nenu ka nishu atushkataminiti tshe tshi etapaniti ka utshi-atussemitatunititshe tshi shash nikanapuniti nete ka aieshkutakanit atusseunu mekuat tshe tshi atushkatakaniti tshekuana nete kanakatuapatakanit assit ka utshipanit kie ka ishinniuniti Innu,

Manitou ka ishi-tshissenitak kie etenitak katshi uapatak nenu assinu kanakatuapatakanit kie tshe tshi takuak tshishkutamuankanit aueni tshenat,

Tshi nashkumitinau

Steven Joudry Ka utshimakatuakanit - Innu Nation- Assi kanakatuapatakanit tshishe utshimat akami-uapishku.

E minu tshitapatakanit

Innu Nation kie kanata tshishe itshimau kanakatuapatak assinu ishi-tshitapatamuht nenu assinu kanakatuapatakanit tshika takun nutshimit ka ishi-tapuetatishut Innu kie ka aishinakuak assi nete mamu tatau Innu kie nenu assinu inniuimakanit, ka ishi-tapuetatishunanut, Innu-aitinanut, Innu- Aimun kie nimetaun tshe tshi minu nakatuapatakanit, mamu uauitakanit kie mamu minuatakanit nete innuat kie kutakaht auenitshenat kie anitshenat Innu Nation kie kanata tshishe utshimau kanakatuapatak assinu minuatshimikak aimunu-tshe tshi uitamuaht maniteua ka ishi-tshissenitaminiti kie etenitaminiti katshi uapataminiti assinu kanakatuapatakanit ka shatshuapatakau kie tshe tshi nete ushte petakutakanit nete Innu eshpishtashkamikak assi.

Landscape scene

Ka tutakanit tshe tshi nishtuapatakanit Akami-Uapishk^u Tshishe utshimau kanakatuapatak assinu

Tshe tshi nishtuapatakanit assi kanakatuapatakanit tutakanipan 2015 pipun, eukuan ushkat e tshi-tshipananut kie mishta ishpitenitakunu napatau Innuat tshe tshi uinuau nikan taht, anite kanata kanakatuapatak assinu 10,700 km2 tatutshishe- mitashumitatunuetipaikan eshpishanit nenu assinu nete akami-uapishkut, Napatau itetshe, kie shash 46 tatinua mamu assia tshishe itshimau enakatuapatak. Eshi-takuak kieeshinakuak ne assi anumat minuashu, minunakun kie tauat aueshishat, mautatshimakanua shipissa anite shipit ishpanua eku minuat anite uinepekut. Nete eshi-minashkuat kie eshi- messekut, e mushuat kie e matshiteuenekat, ishpitenitakunu aueshishat nete etaht, atikuat, maikanat, mashkuat, pineshuat katipan eshi-nakushiht eka kapeikutuat ka taht kie anitshenat katahtau, utshatshumek^u kie matimek^u.

A person's arm with tattoos holding a fish over water.

A person on snowmobile in winter going through the backcountry.

A view of a body of water from a sandy beach with rocks and green grass.

Mekuat etutakanit tshe tshi nishtuapatakanit Assi kanakatuapatakanit nete akami-uapishkut 2015 pipun, Innu Nation utshimauat natipishtuepaniht kanata tshishe utshimaua tshe tshi uauitahk assi kanakatuapatakanit tshe ishi-matenitakunit kie tshe ishi- kaniupanit (Innu PIBA), 2021 pippin minuat atushkatakanipan tshe tshi ishkupaniti Innu Tipenitamua (ITA) tshishe utshimau-kassinu Innua ute kanata kie aissimeua ka atushkuat kie nenua ukaitusseshima taipan nete netshishkuat. Kanata tshishe utshimau tapuetatishu tshe tshi nakatuapatak eshi tapuetuat Innua nenu tshe tshi takunit Innu kie uin utaimu e uauitakanit tshe ishi- aieshkushtakanit, uitshi-atussemitun kie tshe ishi- pimipanitakanit ne assi kanakatuapatakanit kie nenua Innu Nation mak tsheshi utshimau kanata uinuau mamu kanakatuapatak tshe pimipanit𝑡 kie uitshi atussemitunu, eukuannat nikan tshe taht tekuniti tshekuanna ua uitamuatau nenu ka tshiminakaniti nete assinu kanakatuapatakanit tshishe utshimaua kie Innu Nation ka tshiminakaniti ukaitusseshiminu eiat. Nenu tshe atushkatenit kie tshe ishi- pimipanitakanit atusseun nete akamiu-Uapishk^u, nenua tapuetamuna tshika uauitshitunanu mamu tshe tshi tapuetatunanut uitshi arussemitun, tshe ut tutakanit shuniau nete atusseunit, atusseuna tshe takuniti kie tshe ishi- tapuetakanit.

Three people in a boat on calm water at sunset.

Assinu Kanakatuapatak Kanata

Kanata tapuetamkassin nete ka ishi-pimipanitat assia ^u kanakatuapatak nimetauna ka nishtuapatakaniti kie ka ishpitenitakaniti kassinu ka ishinniuit innuat, aissimeuat kie anitsheuat pushk - akeneshauat, unametaunuau, ka ^uishinniuit tshe tshi uauitshiakanit, kie tshe tshi peiku- utshi- atussemitatunanuht tshe tshi miam ishi-pimutenanut ka ishi- ishpitenitak innuat utassiu kie eshi- takuniti mipia nete ka aitaht ushkat, Tshe tshi minu- uitshi- atussemitatunanuht eukuan eshpitenitakuak tshe tshi minu-tshi tshipananuht kie tapuetatishunant kie ishi- minu - tutakanit tshekuan ka ishi- pukushenit- akanit tshe tshi minupanit atushkan tshe mamu uitshi- atussemitunanuht miam ka itashtet ne mashinaikan nutim assist ka tapuetakanit utapuetamunuau Innuat kassinu ka ishinniuit, aissimeuat, kie pushk- akeneshauat.

Innu kanakatuenitak assinu ka aieshkushkatakanit atusseun tshe ishi- pimipanitakanit.

Anitshenat Innu Nation atushkatamuht kie uinuau nikanipunuat tshe tshi aieshkushtah tshe ishinakunit utatusseun ne assinu kanakatuenitak anite akamiu-uapishkut ( Ninan kanakatuenitahk ussinu nete akamiu-uapishkut), nutim anite 21,000 km2 etatutshi-shemitannuetipaikan eshpishanit nenu assinu. Tshinikuanshimu ne assi tekuak ne Akamiu- Uapishk^u tsheshe utshimau kanakatuapatak assinu, Elite eiat tshe nakatuapatakanit ne assi tshe tutakanit tshe tshi ishi- pimish- kanut kiemak pimutenanut anite nunatapineuaniu-shipu kie nete pessish ka aitakuaki kutaka assia. Ne kanakatuenitak assinu tshe ishi-atushkatak nenu utatusseun e nakatuenitak assinu tshika uitam tshe ishi- minupanitat kie tan tshe ishi-nakatuenitak assinu, ka ishpitenitakunit Innu ka ishi- tapuetatishut nutshimit kie tshiashinnuat. Innu kanakatuenitak assinu eukuannu ishpitenitakunit Innu Nation kie kanata tshishe utshimau kanakatuapatak assinu, tshe tshi uautakua nete aianishkat tshe ishi- pimipani- Takanit neatusseun tshe aieshkushtakanit atushkan nete tshishe utshimau kanakatuapatak assinu nenu tshe minu- tshitapatakanit (Tshe tshi) :

Tshe tshi nukutakanit anitshenat Innu tshe pimipanitat enakatuenitakanit assinu kie nete assist ka ut nitautshik tshekuan tshe tshi minu apashtut anitshenat aianishkat tshe tatau, nete Napatau utassiuaut.
Tshe tshi minu-nakatuenitakanit kie nukutakanit Innu utassi.
Tshe tshi minu kauenitakanit Innu-Aitun ka ishinuit Innu, Minuenniun, Innu- Aimun, Kie ka ishi- tapuetatishut nete utassit.
Tshe tshi mishituepanitanikau atusseuna anitshenat ka peiku-pimipanitishuht kie anite innussit ka taht auenitshenat.
Tshe tshi tshikanakutakanit kie nukutakanit Innu- tshissenitamun anitshenat aianishkat tshe tatau tshe minakaniht kiemak nikatamuakaniht.
Tshe Tshi takuak uauitamatun Innu- Aitun kie ka ishinniunanut kie tshe tshi minu-takushinit maniteuat.

round chart representing the Innu Stewardship Plan Model

Innu Ka nakatuenitak assinu eshi-aieshkushtakanit tshe ishi-pimipanitakanit – Eshi-tshitapatakanit nete takut patshuianitshuapit.

Nakatuapatetau Akamiu- Uapishk^u tshe ishi- nashata-kaniti tshe ishi- pimipanitakanit atusseun anite akamiu-uapishkut assi kanakatuapatakanit.

Shash nishtuapatakanu petshikatshish tshe atushkatet tshe tshi uitshi- atussemitatunanut aieshkushtakanu tshe ishi-tutakanit Akamiu-Uapishk^u tshishe utshimau kanakatuapatak assinu tshe tshi shash ishi- matenitakunit,tshe ishi-matenitakuak kie tshe ishi-kaniupanit nituenitamupanit tshe tshi nanatu- mishkakaniti nashatamuna ka nituenitakaniti tshe tshi shash atushkateniti. Anitshenat nakatuapatetauakamiu-uapishk nashataumuna ka atushkatahk, tshika uitshikuht anitshenat Innu Natio kie tshishe utshimau kanata ka nakatuapatak assinu nete 5 eshi-uauitakaniti etshiapatakanit:

E minutakanit, e shutshitieshkakanit kie shutshenitakutakanit uitshi-atussemitun.
E shutshikaputakanit, e matinuanut. Kie e minu kanuenitakanit tshissenitamun.
E minu nakatuenitakaniti assist katakuniti- - Tshekuanna kie nete ka ishinniunanut kie nete ka ishpitenitakuniti ka aitananut assist nutshimit.
Tshe tshi minu-takushiniht maniteuat kie tshe tshi tutakanit/uauitamatunu ka ishi- uapatakau katshi maniteushkakau assinu kanakatuapatakanit tshe uauitahk kie.
Tshe tshi takunit maniteuat tshishkutannatuna uauitamatunu.

Tshika tsissinutaitshemikana nenua nashatamuna tshe tshi pimipanitakanit akamiu-uapishk^u assi kanakatuapatakanit, ushkat nete tshitshipaniti ka ishi- tapuetatishunanut. Eku nishuet nete etshitapatakaniti nete tshe shutshitieshkakanit tshissenitamun nete Innu Nation kie kanata kanakatuapatak assinu. Eku nenua kutakanisht etshitapatakaniti tshe ishi- pimipanit, etshitapatakanit nete ka ishinniunanut shashish kie eshi- inniuimakak kie eshi- tshinuenimakak kassinu tshekuan nete assist kanakatuapatakanit, manitou tshe tshi uauitak etenitak kie eshi tshissenitak katshi uapatak assinu ka nakatuapatakanit- kie tshishkutamatun uauitamatun. Mamu ka atushkateti tshe ishi- peiku- atushkatakanit tshekuan kie tshekuanna tshe tutakanitit eshk eka tshishtakanit katutakanit uitshi-atussemitun eshi aieshkushtakanit tshe aitinanuht.

E minushtakanit kie e minunakutakanit nete mashten tshe ishi-tutakanit tshekuan.

Innu Nation kie kanata tshishe utshimau kanakatuapatak assinu nanitam tshika uitamatuht tshekuanna tshe tshi nashatakaniti ka ishi-tutak kie ka ishi-tapuetatishut nashatamuna, Peikuau peiku-pipuna tshika nanatu-tshissenitakanua nashatamuna kie tshika matuenitamiuat nenu ka tshiminakaniti kanakatuapatakau uitshi-atussemituna tshe tshi minat tshipa ishi tutamut eka ishi-minupaniti tshekuana eshk eka utitshipanit peikuau-peiku- pipuna tshe nanatu-tshissenitakanit tanite etananut ne uitshi atussemitun, Innu Nation kie kanata tshishe utshimau uinuau tshe tshi ueueshtaht tshe tshi uapamat nenua katshiminakanitit tshe tshi ishinakunikue etutu uauitakanit tshekuanna ka natipishtuat nenua katshiminakanitit (CMB).

Map of the Akamiu-Uapishk Innu protected area in Labrador. Described below

Minuat tshe tshi minu-tshitapatakanit, shutshitieshkatakanit kie minu-kanuenitakanit uitshi-atussemitun.

E minutakanit, e shutshitieshkakanit kie e shuteshnitakutakanit uitshi- atussemitun, anite, e tshitapatakaniti tshe tshi nishtutakanit tshekuan ka ut tutakanit tshe tshi ishi- minupanit kie aitinanuti tshekuan tshe tshi shutshitieshimunanut kie minu kanuenitakanit ussi- tshitshipanitakanit kie shutshenitakant uitshi-atussemitun nete Innu Nation kie kanata tshishe utshimau kanakatuapatak assinu anite ishpanitakanit mamu e uitshi-atussemitunanunit nete akamiu-uapishku assi kanakatuapatakanit. Minu-nishtuapatakanu Innu Nation nikan e atushkatak nenu a aishekushtakanit tshe ishi minutakanit kie e minu-uitshi-atussemitunanut tshe tshi minu-nishtutakutakanit uitshi-atussemitun. Innussit e natshishkatunanuht kie e uitshitunanuht eukuan tshipa shutshenitakun etananut nete Innussit, ussinitshuat, ishkuessat, kie tshishen𝑛uat, tshissenitamunu ka kanuenitahk kie nete assist kie kanuenimakaniht anitshenat tshe uitshi- atussemakanit nete tshishe utshimaua kanakatuapataminiti assinu minekash e tshitapatakanit.

1.1 Ka tutakanit Innu kanakatuenitak assinu ka aieshkushtakanit tshe tshi ishi- atushkatak tshe tshi uitakanit anite aianishkat takuniti. Uitshi- atussemitun tshe tshi ishi-aiatinakanit kie tshe nakatuenitakanit anite akamiu-uapishk^u tsheishe utshimau kanakatuapatak assinu.

Innu Nation tshika aiatineu Innu ka atusseshiniti nete Innussi aitaniti, tshishennuat, ussinishuat kie ishkuessa kie nete Innussit etananunit tshika minu uitamueuat nenu Innu kanakatuenitamiti assinu.
Innu Nation tshe tshi uitshi atussemat innua, kie kutaka ka uitshikut auennua tshe tshi atushkatakau Innu kanakatuenitak assinu utatushkan tshe ishinakutakanit tshe tshi mashinataikanit anu ka ut ishpitenitakunit, anite kanakatuenitakanit assi tshe aieshkushtakanit tshe ishinakuak atusseun.
Tsheshi utshimau kanakatuapatak assinu tshika uitshiaushiu tshe tshi mishanit kie tshekuanna ka ut utinakaniti nete assist tshe tshi tapuetakanit tshe tutakanit e shutshiutenitakunit nenu Innu kanakatuenitak assinu ka aieshkutakanit kie tshe tshi uauitshiaushinanunit nete innussit unuitamit ka aitananunit kie tshe tshi mamu tananut tshekuan etutakaniti kie nete Nutshimit tshe tshi eiat tananut, tshe tshi itenitakuak tshe tshi minu shenikanit mamuitun, nete etutakanit tshe tshi mishitakanit.

1.2 Innu Nation kie kanata tshishe utshimau kanakatuapatak assinu tshe tshi minu-uitshi-atussemitut kie minu-ishpitenimituht.

Kanata tshishe utshimau kanakatuapatak assinu minu- nishtutakutau nenu Innu Nation nikan ka tshitshipanitat tshe atushkatak ka ishi-uauitakanit mitshetuau uinanu e nishukakau ka tutakaniti tapuetamuna.
Tapishku tshe tshi tutakau tshe ishi-pimutenanunit kie minu- aimituht nenu uauitakau tshe ishi-aieshkushtaht assinu kanakatuapatakanit, tshe uitshi-atussemitunanunit kie tshe ish-pimipanitakanit ne atusseun eshpishat.

1.3 Minu nishtutatun tshe tshi takuak nete Innussit Sheshatshiu.

Tshishe utshimau kanata kanakatuapatak assinu kie Innu Nation, tshe tshi uinuau aiatinakau uapamakanitau auenitshenat anite etutakaniti tshekuan nete Innussit kie ussinitshuat kie- Ishkuessat tshe tshi takunit tshishkutamatuna e uauitakanit e shutshikaputakanit, eshutshitieshkakanit kie tshe tshi takuak nete aianishkat e minu- uitshi- atussemitunanuht.
Kanata tshishe utshimau kanakatuapatak assinu tshika nakatuenitam shashish ka ishi-minu- apashtat Innu eshi-min-Inniumakaniti kassinu tshekuanna nete tshissenitamunit tshe tshi uitamuat nenu uitshi atussemituniti tshe tshi tshissenitakutakanit tshe ishi atushkatakanit nenu assinu kanakatuapakanit nete akamiu-uapishk^u.

Landscape scene with mountains, water and land.

2. E shukashinakutakanit, e matinuenimitunanut kie e minu- nakatuenitakanit tshissenitamun.

E shukashinakutakanit, e matinuenimitunanut kie e minu- nakatuenitakanit tshissenitamun anite ka aieshkushtakanit tshe ishi- atushkatet miam Akamiu-uapishk^u tsheishe utshimau kanakatuapatak assinu, tshe mishkutinakanit. Eku Innu tshishenniuti, kie eka nukushihti tshika takun shutshiun nete innussit tshe tshi aianishkat ishi- atushkatet ka ut tshitshipananuht ne atushkan ka tutakanit ka inniuimakaki kassinu tshekuanna kie ka ishinniunanut anite ushkat tshissenitamunit, tshika matenitamuht anittshenat aianishkat tshe tahtau, Tshe tshi nakatuapatakau Innu ka ishinniuniti kie utaitunnu, anite assinu kanakatuapatakau tshe tshi eshk inniumakanit. Anitshenat pessish ka uitshi-atussemakanit kananatu tshissenitak tshekuanu, tshika takuna utatusseunuau tshe ishpitenitakunit, Innu tshissenitamunu eshi-inniuimakanit kie eshi- tshinuenimakanit kassinu tshekuana anite assist nete akamiu-uapishkut kie tshe tsi shutshikaputakanit uitshi-atussemitunu. Kie tshe tshi minu-tshitapatakanit anite ka mishta ishpitenitakunit kie nete assist ka utinakanit tshekuanu kie Innu-aitun mak ka ishinniunanunit ka ishi-apashtut tshekuanu nete ut assist

2.1 Tshe ishpishitakanit tutakaniti ne assi kanakatuapatakau Innu Nation kie kanata tshishe utshimau, tshika shutshitieshkueuat nenua ukaitusseshimuau anite atusseniti assinu kanakatuapatakanit akamiu-uapishkut, tshe tshi uinuau ishi-kanuenitak atushkanu kie tshe ishi-pimipanitat. Kie tshissenitamunu tshe ishi minu-uitshi-atussemituht.

Kanata tshishe tshimau kanakatuapatak assinu uin tshe tshi pimipanitat ka shutshikaputakanit kie e mishituepanitakanit atushkanu nete assinu kanakatuapatakanit, anite Innu Nation umashinaikanitshuapinit tshe tshi natshishkuat ka atusseshiniti. Kie uauitamuat tshishe utshimaua utapuetamunu kie nashatamuna ka mashinataikaniti, tshe tshi minupanitakanit, tshe tshi minu uitshi-atussemitunanut.
Kanata tsheshi utshimau kanakatuapatak assinu ukaitusseshima tshe tshi kanuenitahk eshi- tshissenitakau atusseuna kie tshe tshi tshissenimat tshe uitshi-atussemaht Innu Nation tshe tshi ishpitenimaht.

2.2 Tshe tshi uenapessish atushkatet tshekuan ka aieshkushtakanit nete akamiu-uapishkut tshishe utshimau kanakatuapatak assinu kie tshe tshi nishtuapatakaniti, uenapessish tshe apitinikau nenu ka mishta- ishpitenitakuniti, tshe tshi nanikanipunitakanit ka nanatu- tshissenitakanit tshekuan shash ka atushkatet.

Kanata tshishe utshimau kanakatuapatak assinu tutam uenapessish tshe tshi mishanit ka nanutu-tshissenitakanit tshekuannu ka aieshkushtakanit mamu ka uitshi atussemikut Innu Nation tshe ishi- kaniupanit kie tshe ishi-matenitakunit tapuetamun. Mashinaikanu nete etashtenit Chapter 10 e uitakanit tshipa ishi uitshieu nete aianishkat ui apashtakaniti kie nanikan ishpanitakanit uauitamatun kie tshe itapishtakanit tshekuan eshi-uauitakanit.
Innu tshissenitamun uauitamatun nete uenapessish atushkatet tshekuan ka aieshkushtakanit, anu uet Innu ka ishi-tshissenimat atikua, tshika ishpitenitakanu kie tshe tshi uitakanit nete ka nanatu-tshissenitakanit tshekuan.
Kanata tshishe utshimau kanakatuapatak assinu ka uitshi-atussemat Innu Nation tshe tshi tshitapataminiti uenapessish- ka pimipanitakaniti nishtam, tshekuanna tshe atushkateniti tshe tshi nete kananatu-tshissenitakanit tshekuan uenapessish ka pimipanitakanit maniteu ka ishi-tshissenitak tshekuanu kie etenitak kie nete tshe ishinakutakaniti atusseuna tutakanikau.
Kanata tshishe utshimau kanakatuapatak assinu kie Innu Nation tshika ueueshtaht tshe tshi natshishkuat auennua nete innussit tshe tshi uauitshiakaniht e nishtuapatakanit tanite e nutepanit tshekuanu nete tshissenitamunit kie tshe tshi uitamuaht nenu kananatu-tshissenitakanit tshekuanu.
Kanata tshishe utshimau kanakatuapatak assinu tshe tshi ueueshtaht ka nanatu-tshissenitaminiti tshekuanu nete akamiu-uapishkut kanakatuapatakanit assinu tshe tshi nanatuapataminiti nete eshi-nutepanit tshekuanu ka nanatu-tshissenitakau
Kanata tshishe utshimau kanakatuapatak assinu tshika tutam tshe tshi natshishkatunanunit tshe tshi minu tshitapatakanit e nanatu-tshissenitakanit tshekuan mashinaikana ka shakassinitanikau.

2.3 Ka tutakanit Innu kanakatuenitak assinu tshe ishi-pimipanit ka peikutakanit Innu tshissenitamun kie akeneshau kanakatuapatak e nanatu-tshissenitak tshekuanu tshipa pitakatakanu kie tshe tshi uauitshiaushiu tshekuma ishkuateti, tshipa mashinataikanu eshi- inniumakaniti tshekuana nete assist kie ka ishinniunanunit tshe tshi nakatuenitakanit kie manitou ka ishi-tshissenitak kie etenitak katshi uapatak nenu assinu kanakatuapatakanit tshe tshi uauitak

Atusseu- tshishkutamatun Innu tshissenitamun kie akeneshau ka nanatu- tshissenitak tshekuanu kie eshi-katshiut atusseunu mamu tshipa tutakanu kie tshipa atushkatamuht anitshenat Innu Nation kie kanata tshishe utshimau ka nakatuapatak assinu
Kanata tshishe utshimau kanakatuapatak assinu tshipa tshissinuteiu auenna nenu ka mashinateniti utapuetamuna tshe tshi- Ishinakutakanit ka ishi- nashatakanit etutakaniti atushkanu nete assinu kanakatuapatak, ( Kie nete aueshishat tshekat ka meshtiniakanit kie e mitapet, tshishe utshimau utipenitamun mashinaikan tshe tshi nashatakanit).

2.4 Tshishe utshimau kanata uauitshiaushiu tshe tshi kutshipanitakanit tshe tshi mashinataikanit kie minu- kanuenitakanit, nimetaunu, Innu-Aimunu kie kaishinikateti nete ka aitananunit shashish tshipa ishinakunu utatusseun ne Innu kanatuenitak assinu nete Akamiu-Uapishk^u kie Innussit ut tshipa uitshiakanu.

A person standing on top of a snow covered hut with a snowmobile below during winter.

Innu Kanakatuapatak assinu mitshuapinu katutakanit tsheku eka minupaniti auen nete Akamiu-Uapisk^u a ishpatati.

Two individuals, one inside and one outside of an Innu Nation Fishery Guardians boat. Water and blue skies in the background.

“ Mishta ishpitenitakun nete nin, epikissian, tshe tshi tshissenitaman ka ishi - nike - tat nitinnimit. Shash nishtu-tshishemitashumitatinuepan pipun eshpish taiat ute- kie katshi shash tshisseni-takuak nete ut ninnussit, mishkatenitakun kie nin mishkateniten”
Innu kanakatuapatak Assinu ka atusseht

Two people kneeling down working together in a field. Digging and examining the soil. Houses and trees in the background.

3,000 ka nishtutshishemitashumitunuemikak shashish ka tananuht nete Sheshatshiu.

A stove with kettle and frying pan on it located inside a tent with wood packed up beside it.

Two men wearing flotation devices checking monitoring equipment. Water in the background.

Atik^u

3. Kanakatuapatakanit assit eshi takuak tshekuan kie ka nametaht innuat ka ishi-inniuht kie kutaka tshekuana ka ishpitenitakuniti.

TEshi takuak tshekuan nete assit mak nipit Akamiuapishkut, tshishe utshimau ka nakatuapatak assinu nukunu innu utishpitenitamuna, eshi-tapuetatishut innu kie eshi inniut. Innu ka ishi-tapuetatishut utishpitenitamuna shashish ut ishi tapuetatishupan nasht nete utat tatu tshishemitashumitunu nete Nitassinan. Nakatuenitamun kie kanuenitamun nete kassinu tshekuan ka ishi-inniuimakak nete assit miam itenitakuan e nakatuenitakanit kie ekanuenitakanit innu ka ishinniut, utinnu-aimun, tshissenitamun kie eshi tshissenitak tshekuanu nete Nitassinan.Eku katshi ishi matenitakusht akeneshau ekue minakanu innu, ussinitshuat mak tshishennuat tshetshi pakassiuatshet nenu assinu ka ishpitenitakunit. Uitshitunanu e nitutakaniti tipatshimuna tshe tshi takuak tshissenitamun ka ishpitenitakuak nete nutshimit kie aianishkat tshe tshi ut minu inniunanut atmak ka pet ishpish aimiunanut nete utat. Tshika tshishkutamuakanut anitshenat aianishkat tshe tat tshe nakatuenitahk assinu tshe tshi shutshenitakunit pakassiunu nete nutshimit mak tshe tshi minu kanuenitamuat utanishkutapanuau ka ishi nakatuenitaminiti nete nutshimit. Eukuan tshiatapatakanit tshe ishi aieshkushtakanit kanakatuapatakaniti eshi inniuimakaki mak eshi tshinuenimakaki kassinu tshekuana kie innu ka ishi inniut nete tshishe itshimau ka nakatuapatak assinu Akamiuapishkut-Kakkusuak-Mealy Mountains.

3.1 Anite innu ka ishi inniut kie eshi minu inniuimakak mak eshi tshinuenimakak kassinu tshekuan, nishtuapatakanua, nanatu-tshissenitakanua, kanuenitakanua mak nakatuapatakanua.

Kanata ka nakatuapatak assinu mak Innu Nation nishtuapatamuat ka ishpitenitakunit Kassinu tshekuana eshi minu inniuimakaniti kie eshi tshinuenimakaniti kie ka ishinniuiniti innua.
Memekueshut-nipi mak Porcupine Strand nishtam tshika minu nakatuapatakanua.
Tshika minu tshitapatakanu kie tshika mashinataikanu eshi nanatu-tshissenitakaniti ka mishkakaniti ka nimetaht shashish innuat, eshi matenitakuak ka meshtapauet assi kie e mishkutshipanit tshishiku nete assit.

3.2 Innu Nation mak Kanata kanakatuapatak assinu nishtutatuht innu ka ishinniut, eshi-inniuimakanit mak eshi-tshinuenimakanit kassinu tshekuanu nete Akamiuapishkut mak uitshi-atussemituht tshetshi tutahk minu-nakatuenitamunu.

Atushkeiakanu assinu kanakatuapatak kie utshimakatuakanu nete Kanata kanakatuapatak assinu.
Atushkeiakanu assinu kanakatuenitak kie uin takut tau nete eshi atusset.
Shash nishtuapatakanu nete tshe tutakaniti atusseuna.
Aieshkushtakanu tshe tutakaniti atusseuna mak tshe utinakaniht ka atusseshiht nete kanakatuapatakanit assi kie ka ishi inniut innu.
PKanata ka nakatuapatak assinu shukashinakutau tshe ishpish uauitshiaushit nete Innu Nation eshk e mashinatenit tshishe utshimaua utapuetamunu eshinakutakanit kie tshe tshi nashatakanit anishku e uauitakanit kassinu tshekuanu ka ishi inniuimakanit nete assit mak innua ka ishinniuniti mak e nanatu-tshissenitakanit mak tshe tshi kanutakaniti tshekuana, aueshishat mak ka ishi nitautshiki tshekuana tshipa tshi put kie mak tshekat tshika meshtniakanuat, tshe ishi aieshkushtakanit tshe ishi matenitakuak, tshe tshi kanutakanit katshi nanatu tshissenitakaniti tshekuan.
Kanata kanakatuapatak assinu eshk atushkatamu tshe tshi takunit tshe ishi aieshkushtakanit mak tshe ishi atushkatenit ishkuateti nete assi kanakatuapatakanit mak tshe tshi uitshi-atussemat Innu Nation tshe tshi uitshikut ka uauitakanit e aieshkushtakanit tshekuan mak tshe tshi nakatuapatakanit assit eshitakuak tshekuan mak ka nimetaht innu mak kutaka tshekuana ka ishpitenitakuniti tshe tshi eka ishkuateti mak meshtikateti, minuat kau tshe tshi uaueshtakanit ka ishi minuinniuimakak kie eshi tshinuenimakaki kassinu tshekuana kie nete ka aitaht innu ka ishinniut mak tshe tshi minu takushiniht maniteuat kie nishtutahk nenu eshi atushkatenit tsheku ishinakuniti tshe tshi ishkuatenit.
Anite Akamiuapishkut atiku ka nanatu-tshissenimakanit shash tshishtakanu tutakanipan mashinaikan kie nete innussit patshitinikanipani eshukum pipuna.
Kanata ka nakatuapatak assinu netshishkuepan ka innu tshissenitaminiti nenu eshi inniuimakanit mak eshi tshinuenimakanit tshekuanu nete assit nenu uauitamupanit aianishkat tshe nakatuapatakanit eshi inniuimakaki mak eshi tshinuenimakaki tshekuana nete assit.

3.3 Ekue e uauitakanit eshi tutakanit kie eshi nakatuenitakanit innu ka ishi nametaht shashish mak ka ishinniut nete mashinataikanu Tapishkut eshi nishtutatunanut mashinaikanit mak eukuan etashtet nete mashinaikanit Chapter 11 PIBA.

Nanatuatakanipan uauitamatun nete Akamassissit tshishe utshimat, Kanata ka nakatuapatak assinu mak Innu Nation tshe tshi mamu tutakau mashinaikanu Tapishkut ka tapuetatishunanunit ne e uauitakanit kanu tutuakanit, e mashinataikanit eshi mishkakanit tshekuan, tshe ishi aiatinakanit mak tshe tshi minu kanuenitakanit nenu shashish ka ishinniut innu ka nimetat nete Akamiuapishkut tshishe utshimau ka nakatuapatak assinu.
Kanata ka nakatuapatak assinu mak Innu Nation tshe tshi minu uauitahk tshe ishi matenitakunit mak tshe ishpishikakanit mashinaikanu Tapishkut e tapuetatishunanut nenu e uauitakanit shashish innu ka ishinniut ka nimetaht tshe tshi nete kanut mashinataikaniti.
Tapishkut nishtutatun mashinaikan tutakaniti tshika minu uauitakanu tshe ishi-minu-kanuenitakanit shashish innu ka ishinniut ka nimetaht mak eshi mishkakaniti tshekuana ka ishi inniunanut, tshe ishi nakatuenitakanit nete ut Kanata ka nakatuapatak assinu mak kutaka mashinaikana ka tutakaniti mak tshishe utshimau utapuetamun mashinaikan.

3.4 Shash nishtuapatakanua ka kushtikuaki mak eka kushtikuaki tshekuana nete assi kanakatuapatakanit.

Kanata ka nakatuapatak assinu tutamu tshe tshi eka mishta animiut innu nanatu atusseti, tanite eukuan eshinakunit innu kuetshipanitati tshe tshi nanatu atusset.
Kanata ka nakatuapatak assinu atushkatamu tshe tshi uauitshiaushit nete atusseunu uenuipaniti, tshe tshi uitshi atussemitunanunit, mak tshe tshi tutakanit atusseu-tshishkutamatunu mak uauitakaniti tshe ishinakuaki atusseuna.

3.5 Shash nishtuapatakanua ka kushtikuaki mak eka kushtikuaki tshekuana nete assi kanakatuapatakanit.

Kanata ka nakatuapatak assinu aiatinamu tshe ishi atsheuetashinak tshekuana ka kushtikuniti kie eka kushtikunit nete Akamiuapishkut mak tshe tshi uitshi-atussemikut Innu Nation tshe tshi mamu atushkatakau.

3.6 Anite innussit kaht auenitshenat, anu netshe ussinitshuat takunu tshe tshi pamishkat, kie pakassiuatshet assinu kie tshe tshi tshissenitakau ka ishi inniuit mak tshe tshi ut shutshitieshkakau nete aianishkat.h4>

Kanata ka nakatuapatak assinu tapuetamu nenu ussinitshua, auennua kie tshishennua tshe tshi ut pakassiuatsheniti assinu.

Tshe tshi atushkeiakaniht ussinitshuat kie ussinitshishkuessat nete tshishe utshimaua ka nakatuapataminiti assinu eukuannu nishtamu tshiatapatakau mak Innu Nation assinu ka nakatuapatahk ka umashinaikanitshuapit mak anitshenat Innuat ka nakatuenitak assinu shash ka pimipanit utatusseunuau.li>

3.7 Shashish ka ishi-tutakaniti tshekuana kie ne assi-ka itapashtakanit, miam etashtet nete Nishtutatun Tapuetamun mashinaikanit e mashinataikanit Kanata ka nakatuapatak assinu nete Akamiuapishkut-Kakkusak-Mealy Mountains tshe ishi uetashutet tshe tshi minu nakatuenitakanit eshi inniuimakaki mak eshi tshinuenimakaki tshekuana nete assit, tshe tshi uitakanit ka ishi nanatu tshissentakanit mak innu ka ishi tshissenitak eshi inniuimakaniti mak eshi tshinuenimakaniti tshekuana nete assit, mak e netshishkuakanit assinu ka apashtaht. .

Kanata kanakatuapatak assinu tshimineu auennua tshe tshi nakatuapataminiti shashish ka ishi tutakanit tshekuanu kie assinu ka apashtakanit.

An Indigenous woman facing the camera with a walking stick in the snow. — Kukumiash Nishapet Penashue.

Chert arrowhead discovered on Porcupine Strand. — Atush ka mishkuakanit anite porcupine strand.

4. E Minu tskushinit maniteuat kue e tutakanit / e uauitamukanit maniteauat etenitak kie eshi- tshissenitak katshi uapatakau assinu kanakatuapatakanit.

E Minu tskushinit maniteuat kue e tutakanit / e uauitamukanit maniteauat etenitak kie eshi- tshissenitak katshi uapatakau assinu kanakatuapatakanit.Aianishkat tshipa minutakutakanu aimun e maniteaushkat kie tshipa minu- tipatakanu ka ishi-uapatak kie eshi- tshissenitakau maniteuat tshe tshi mamushtakanit ka ishi- mishkakau, ka ishi- tshissenitakau kie ka ishi- tshishkutamatishut katshi uapatak kie nete metuenit eshi- tshitapatakau ka maniteushkakau nenu assinu kanakatuapatakanit. Ka ishi-aieshkushtat tshe ishinakunit utatusseun Innu kanakatuenitak assinu, uin tshika mineu maniteua tshe tshi minu-takushiniti kie innua kie tshi mamu atushkateu kanata assinu kanakatuapatak kie manitou tshika aieshkushtakanu mashinaikanu, Mekuat etutakanit kie tshe ishi- pimipanitakanit e maniteaushkakanit ne assi kanakatuapatakanit, Tshika mista-nakatupatakanu nete ka mishta ishpitenitakuak. Anishenat maniteuat takushinitau tshe ishi-uitshiaushiht nenu aieshkushtakaniti atushkan tekushinitau maniteuat tshika minu- tshitapatakanu nenu eshi tipatahk katshi uapatak assinu kanakatuapatakanit tshe tshi ut tshissenitakuniti tsheku atusseunna tshe tutakaniti kie tshe tshi mishitakanit nakatuenitamunu nete etananunit mian mate, tshe tshi aieshkushtakanit tshekuan nete ut- Innu nation uauitshiaushutshi tshe ishi aianishkat tshitapatakanit tshinakunitit tshe tutanikau meshkuana, mitshuapa, uashtennimakaniapia kie umashinaikanitshuapua kanata tshishe utshimau kanakatuapatak assinu kie maniteuat tshe uauitamuakanit nenu tshe shatshuapatakau assinu kanakatuapatakanit kie nete Sheshatshiu tshe tshi natshishkuakanit tshika tutakanu tshe tshi uitshikut nenu tshe ituteht nete assinu kanatuapatakanit akamiu-uapishkut. Tshishkutamatunit eiat tshika uitshikut maniteuat tshe ishi-pimipanitakanit maniteushkati kie tshika uitshikut anitshenat ka peiku-tshitapamitishut atusseunit auenitshenat kie nete utassiuat ka aitaht kie tshe tshi tshimitakanit aitutan e maniteushkat.

4.1 Mekuat nete aianishkat eshi- tutakanit maniteushkati nete assi kanakatuapatakanit, papeik^u manitou ka shakassinitat umashinaikan tshika minu- tshitapatakanu.

Eku kanata tshishe utshimau kanakatuapatak assinu uetitaukuti nenu maniteua kashakassinitaniti umashinaikan, uin tshika minu-tshitapatamueu kie tshika nituenitamueu Innu Nation tshe tshi tapuetueniti kiemak eka tapueniti maniteua tshe tshi shatshuapataminiti nenu assinu kanakatuapatakanit-kie uin tshika uitamueu tshekuanu uet eka tapuetuat nenua maniteua.
Eku anite ka mishta-ishpitenitakanit ka minu-tshitapatakanit tshe tshi nishtuapatakanit kie tshe tshi tapauetuakanit maniteu tshika minu-takushinu tshe tshi nakatuenitak ka ishi-uauitamuakanit nenu assinu eshpish minu- nakatuapatakanit kie tshe ishi- tshishkutamuakanit eshk eka maniteushkak assinu kanakatuapatakanit.
Innu Nation kie kanata tshishe utshimau ka nakatuapatak assinu tshika uitshi-atussemituht tshe tshi atushkatahk tshe ishi-pimipanit manitou umashinaikan ka shakassinitat kie tshe tshi nakatuenimitishut nete aitati kie tshe tshi minu uauitamuakanit ka ishinniuniti innua kie Innu-aitunu.
Manitou tshe aitit kie tshe ishi-tutak tshekuanu nete takushiniti tshe tshi shatshuapatak assinu kanakatuapatakanit kie tshe ishi-aieshkushtakanit tshe ishi- uitshiakanit tsheku eka ishi-minupaniti, Kie tshe tshi nanitam nakatuenitakanit eshpanit nete maniteushkaki assi kanakatuapatakanit.

4.2 Shash aieshkushtakanu tshekuanu tshe minakanit manitou tshe tshi uauitak katshi uapatak nenu assinu kanakatuapatakanit kie nete innussit aieshkushtakanua atusseuna tshe pimipanitakaniti.

Aieshkushtakanu tshekuan tshe ishi-tutakanit nete innussit kie manitou takushiniti tshe tshi uauitak ka ishi-uapatak nenu assinu kanakatuapatakanit. Anite innussit tshe tshi natshishkatunanuht kie Innu kanakatuenitak assinu, aieshkushtakanu tshe ishinakunit utatusseun.
Aieshkushtakanu nete aianishkat tshe ishinakuak ne assi kanakatuapatakanit kanata tshishe utshimau tshekuan tshe ui kanuenitakanit kie apashtakanit mashinaikanitshuapa, kie manitou tshe uauitamukanit eshi - nituenitamuakanit tshe tshi nakatuenimitishut kie anitshenat ka tshiminakanit tshe nakatuenitak assinu kanakatuapatakanit.
Uauitamatun ka uauitamuakanit auenitshenat nete Sheshatshit nenu manitou ka maniteushkak assinu kanakatuapatakanit, tshe tshi minu anakaniht maniteuat tekushinitau kie aianishkat tshe ishi-nituenitamuakaniht anitshenat atusseu-kanu tshe tshi kanuenimat tshitshipanitatau atuseeunu.

Calm waters with mountain and blue sky in background.

Shoreline with trees and sky in the background.

5. Tshe tshi tutakanit tshishkutamatun anite etananuht

Eukuan nasht ushkat e nakatuapatakanit assi nete kanata ka mishta ishpitenitakunit Innu tshe tshi nikan tat Innu nenu tshe ishi- atushkatenit. Auenitshenat tshika ui minu-nishtutaminiakanit eshi- inniuikanit kie eshi-tshieunimakanit kassinu tshekuanu nete assist ka takunit kie ka ishinniunanunit nete ushkat etananut kie nasht takut eukuan eshtakanit tshe tshi minu-tshitapatakanit assi kanakatuapatakanit nete akamiu-uapishkut.

5.1 Anitshenat kataht nete utenamuaut tshe tshi minu nishtutak kie nishtuapatak neni akamiu-uapishkut assi kanakatuapatakanit kie nutim nete kanata kie akam-assit mishituepanitakanu tshishkutamatun.

Minuat tutakanipan uauitamatun e uauitakanit akamiu-uapishk^u assi kanakatuapatakanit nete ka atusseu-katshitapatakanit.
Miam ka itashtet nete mashinaikan PIBA 7.5.3., tshe ishi-matenitakuak kie tshe ishi- kaniupanit assi kanakatuapatakanit. Tshe tshi uitshi–atussemitatunanut tshe ishi- aiatinakanit, kie Innu Nation uitshiakanut tshe tshi iutet nete natshishkatunanuti, mamuitunanuti nete Innu kie uin tshe tshi matinuet eshi- tshissenitak kie tshekuanu etushkatak tshe tshi uauitamuat kutaka innua ka ishinniuniti tshishe utshimaua ka nishtuapamukut kie- aissimeuat ka nakatuenitakau assinu eshi-aieshkushtat utatusseunuau tshe ishinakunit.

5.2 Innu - aimun minuenitakanu eshpsh ishpitenitakuak kie ui peikutakanu nete manitou ka maniteushkak assinu kanakatuapatakanit kie tshe tshi minu-uauitamuakanit aianishkat aimiakanitau.

Innu kaishinikatak nete kaitat assist tshika minutakanu kie mashinataikanu.p>
Tshishe utshimau kanakatuapatak assinu nete akamiu-uapishkut takunua nete assi- mashinaikanit tshe tshi uapatiniuenanuti, akuashkaikana tshe tshi tutakaniti, kie kutak tshekuan tshe tshi apashtakanit uenuipanitakaniti aimun katutakanit.
Innu Nation kie kanata tshishe utshimau kanakatuapatak assinu tshika tutamuht eshinikateniti innu-aimuna, e uauitakanit akamiu-uapishk^u tshishe utshimau ka nakatuapatak assinu.

Mashten

Tshe ishi-nashatakanit mashinaikan katutakanit e uauitakanit napatuau Akamiu-uapishk, takun ne mashinaikan tshe tshi minutakanit kie tshe tshi minu-nishtutakuak kie tshe tshi mamushtakanit aimun. Tshika apashtakanua nenua nashatamuna ka mshinataikaniti nete netshishkatunanuti kie ka uitshi-atussemitunanut tshe ishi-pimipanitakanit- Akamiu-uapishk^u kanakatuapatakanit assi mekuat eshk e atushkatet ka aieshkushtakanit atusseun tshe ishi tutakanit.

Mashinaikan katutakanit tshetshi apashtakanit.

Tshinui apashtaini ne mashinaikan nete tshe mashinaitshein Kanata ka nakatuapatak assinu ka atusseu-katshitapatakanit umue eshtashtet info@pc.gc.ca.

Language selection

Search

Nakatuapatetau Akami - Uapishkᵘ

Akami-Uapishkᵁ-KakKasuak-Mealy Mountains National Park Reserve

Nakatuapatetau
Akamiu-Uapishk^u

Mamu Nakatuapatetau Akami - Uapishk^u Tshishe Utshimau Ka Nakatuapatak Assinu

Eshi takuak ute mashinai kanit

Anite katakunit Innu ka ishinniut eshk inniuimakanu

Innu nation Utshimauat Ka Patshitinahk Aimunu

Ka Tshiminakaniht ka nakatuapuatakau e-utshi-atussenmitunanunit patshitinamuht aimunu.

E minu tshitapatakanit

Ka tutakanit tshe tshi nishtuapatakanit Akami-Uapishk^u Tshishe utshimau kanakatuapatak assinu

Assinu Kanakatuapatak Kanata

Innu kanakatuenitak assinu ka aieshkushkatakanit atusseun tshe ishi- pimipanitakanit.

Innu Ka nakatuenitak assinu eshi-aieshkushtakanit tshe ishi-pimipanitakanit – Eshi-tshitapatakanit nete takut patshuianitshuapit.

Nakatuapatetau Akamiu- Uapishk^u tshe ishi- nashata-kaniti tshe ishi- pimipanitakanit atusseun anite akamiu-uapishkut assi kanakatuapatakanit.

E minushtakanit kie e minunakutakanit nete mashten tshe ishi-tutakanit tshekuan.

Minuat tshe tshi minu-tshitapatakanit, shutshitieshkatakanit kie minu-kanuenitakanit uitshi-atussemitun.

1.1 Ka tutakanit Innu kanakatuenitak assinu ka aieshkushtakanit tshe tshi ishi- atushkatak tshe tshi uitakanit anite aianishkat takuniti. Uitshi- atussemitun tshe tshi ishi-aiatinakanit kie tshe nakatuenitakanit anite akamiu-uapishk^u tsheishe utshimau kanakatuapatak assinu.

1.2 Innu Nation kie kanata tshishe utshimau kanakatuapatak assinu tshe tshi minu-uitshi-atussemitut kie minu-ishpitenimituht.

1.3 Minu nishtutatun tshe tshi takuak nete Innussit Sheshatshiu.

2. E shukashinakutakanit, e matinuenimitunanut kie e minu- nakatuenitakanit tshissenitamun.

3. Kanakatuapatakanit assit eshi takuak tshekuan kie ka nametaht innuat ka ishi-inniuht kie kutaka tshekuana ka ishpitenitakuniti.

3.1 Anite innu ka ishi inniut kie eshi minu inniuimakak mak eshi tshinuenimakak kassinu tshekuan, nishtuapatakanua, nanatu-tshissenitakanua, kanuenitakanua mak nakatuapatakanua.

3.2 Innu Nation mak Kanata kanakatuapatak assinu nishtutatuht innu ka ishinniut, eshi-inniuimakanit mak eshi-tshinuenimakanit kassinu tshekuanu nete Akamiuapishkut mak uitshi-atussemituht tshetshi tutahk minu-nakatuenitamunu.

3.3 Ekue e uauitakanit eshi tutakanit kie eshi nakatuenitakanit innu ka ishi nametaht shashish mak ka ishinniut nete mashinataikanu Tapishkut eshi nishtutatunanut mashinaikanit mak eukuan etashtet nete mashinaikanit Chapter 11 PIBA.

3.4 Shash nishtuapatakanua ka kushtikuaki mak eka kushtikuaki tshekuana nete assi kanakatuapatakanit.

3.5 Shash nishtuapatakanua ka kushtikuaki mak eka kushtikuaki tshekuana nete assi kanakatuapatakanit.

4. E Minu tskushinit maniteuat kue e tutakanit / e uauitamukanit maniteauat etenitak kie eshi- tshissenitak katshi uapatakau assinu kanakatuapatakanit.

4.1 Mekuat nete aianishkat eshi- tutakanit maniteushkati nete assi kanakatuapatakanit, papeik^u manitou ka shakassinitat umashinaikan tshika minu- tshitapatakanu.

4.2 Shash aieshkushtakanu tshekuanu tshe minakanit manitou tshe tshi uauitak katshi uapatak nenu assinu kanakatuapatakanit kie nete innussit aieshkushtakanua atusseuna tshe pimipanitakaniti.

5. Tshe tshi tutakanit tshishkutamatun anite etananuht

5.1 Anitshenat kataht nete utenamuaut tshe tshi minu nishtutak kie nishtuapatak neni akamiu-uapishkut assi kanakatuapatakanit kie nutim nete kanata kie akam-assit mishituepanitakanu tshishkutamatun.

5.2 Innu - aimun minuenitakanu eshpsh ishpitenitakuak kie ui peikutakanu nete manitou ka maniteushkak assinu kanakatuapatakanit kie tshe tshi minu-uauitamuakanit aianishkat aimiakanitau.

Mashten

Mashinaikan katutakanit tshetshi apashtakanit.

Related links

Nakatuapatetau Akami - Uapishkᵘ

Akami-Uapishkᵁ-KakKasuak-Mealy Mountains National Park Reserve

Nakatuapatetau Akamiu-Uapishku

Mamu Nakatuapatetau Akami - Uapishku Tshishe Utshimau Ka Nakatuapatak Assinu

Anite katakunit Innu ka ishinniut eshk inniuimakanu

Innu nation Utshimauat Ka Patshitinahk Aimunu

Ka Tshiminakaniht ka nakatuapuatakau e-utshi-atussenmitunanunit patshitinamuht aimunu.

E minu tshitapatakanit

Ka tutakanit tshe tshi nishtuapatakanit Akami-Uapishku Tshishe utshimau kanakatuapatak assinu

Assinu Kanakatuapatak Kanata

Innu kanakatuenitak assinu ka aieshkushkatakanit atusseun tshe ishi- pimipanitakanit.

Innu Ka nakatuenitak assinu eshi-aieshkushtakanit tshe ishi-pimipanitakanit – Eshi-tshitapatakanit nete takut patshuianitshuapit.

Nakatuapatetau Akamiu- Uapishku tshe ishi- nashata-kaniti tshe ishi- pimipanitakanit atusseun anite akamiu-uapishkut assi kanakatuapatakanit.

E minushtakanit kie e minunakutakanit nete mashten tshe ishi-tutakanit tshekuan.

Minuat tshe tshi minu-tshitapatakanit, shutshitieshkatakanit kie minu-kanuenitakanit uitshi-atussemitun.

1.1 Ka tutakanit Innu kanakatuenitak assinu ka aieshkushtakanit tshe tshi ishi- atushkatak tshe tshi uitakanit anite aianishkat takuniti. Uitshi- atussemitun tshe tshi ishi-aiatinakanit kie tshe nakatuenitakanit anite akamiu-uapishku tsheishe utshimau kanakatuapatak assinu.

1.2 Innu Nation kie kanata tshishe utshimau kanakatuapatak assinu tshe tshi minu-uitshi-atussemitut kie minu-ishpitenimituht.

1.3 Minu nishtutatun tshe tshi takuak nete Innussit Sheshatshiu.

2. E shukashinakutakanit, e matinuenimitunanut kie e minu- nakatuenitakanit tshissenitamun.

3. Kanakatuapatakanit assit eshi takuak tshekuan kie ka nametaht innuat ka ishi-inniuht kie kutaka tshekuana ka ishpitenitakuniti.

3.1 Anite innu ka ishi inniut kie eshi minu inniuimakak mak eshi tshinuenimakak kassinu tshekuan, nishtuapatakanua, nanatu-tshissenitakanua, kanuenitakanua mak nakatuapatakanua.

3.2 Innu Nation mak Kanata kanakatuapatak assinu nishtutatuht innu ka ishinniut, eshi-inniuimakanit mak eshi-tshinuenimakanit kassinu tshekuanu nete Akamiuapishkut mak uitshi-atussemituht tshetshi tutahk minu-nakatuenitamunu.

3.3 Ekue e uauitakanit eshi tutakanit kie eshi nakatuenitakanit innu ka ishi nametaht shashish mak ka ishinniut nete mashinataikanu Tapishkut eshi nishtutatunanut mashinaikanit mak eukuan etashtet nete mashinaikanit Chapter 11 PIBA.

3.4 Shash nishtuapatakanua ka kushtikuaki mak eka kushtikuaki tshekuana nete assi kanakatuapatakanit.

3.5 Shash nishtuapatakanua ka kushtikuaki mak eka kushtikuaki tshekuana nete assi kanakatuapatakanit.

4. E Minu tskushinit maniteuat kue e tutakanit / e uauitamukanit maniteauat etenitak kie eshi- tshissenitak katshi uapatakau assinu kanakatuapatakanit.

4.1 Mekuat nete aianishkat eshi- tutakanit maniteushkati nete assi kanakatuapatakanit, papeiku manitou ka shakassinitat umashinaikan tshika minu- tshitapatakanu.

4.2 Shash aieshkushtakanu tshekuanu tshe minakanit manitou tshe tshi uauitak katshi uapatak nenu assinu kanakatuapatakanit kie nete innussit aieshkushtakanua atusseuna tshe pimipanitakaniti.

5. Tshe tshi tutakanit tshishkutamatun anite etananuht

5.1 Anitshenat kataht nete utenamuaut tshe tshi minu nishtutak kie nishtuapatak neni akamiu-uapishkut assi kanakatuapatakanit kie nutim nete kanata kie akam-assit mishituepanitakanu tshishkutamatun.

5.2 Innu - aimun minuenitakanu eshpsh ishpitenitakuak kie ui peikutakanu nete manitou ka maniteushkak assinu kanakatuapatakanit kie tshe tshi minu-uauitamuakanit aianishkat aimiakanitau.

Mashten

Mashinaikan katutakanit tshetshi apashtakanit.

Related links

Nakatuapatetau
Akamiu-Uapishk^u

Mamu Nakatuapatetau Akami - Uapishk^u Tshishe Utshimau Ka Nakatuapatak Assinu

Ka tutakanit tshe tshi nishtuapatakanit Akami-Uapishk^u Tshishe utshimau kanakatuapatak assinu

Nakatuapatetau Akamiu- Uapishk^u tshe ishi- nashata-kaniti tshe ishi- pimipanitakanit atusseun anite akamiu-uapishkut assi kanakatuapatakanit.

1.1 Ka tutakanit Innu kanakatuenitak assinu ka aieshkushtakanit tshe tshi ishi- atushkatak tshe tshi uitakanit anite aianishkat takuniti. Uitshi- atussemitun tshe tshi ishi-aiatinakanit kie tshe nakatuenitakanit anite akamiu-uapishk^u tsheishe utshimau kanakatuapatak assinu.

4.1 Mekuat nete aianishkat eshi- tutakanit maniteushkati nete assi kanakatuapatakanit, papeik^u manitou ka shakassinitat umashinaikan tshika minu- tshitapatakanu.